Misioni i UNMIK-ut falënderohet nga Jahjaga për punën e mirë që e ka bërë në Kosovë

31.07.2012 17:56 ET Prishtinë (KosovaLive)

Presidentja e Republikës së Kosovës, Atifete Jahjaga dhe përfaqësuesi special i sekretarit të përgjithshëm të OKB për Kosovën, Farid Zarif, kanë biseduar të martën në Prishtinë për vizitën e sekretarit të përgjithshëm të OKB-së, Ban Ki Moon në Kosovë, e cila vizitë u vlerësua si e mirë dhe e suksesshme e në kuadër të vizitave të gjitha shteteve të rajonit në funksion të bashkëpunimit dhe të mirëkuptimit.