Monitorimi i një OJQ-je flet për degradim urban të qendrës së Prizrenit

17.07.2012 14:43 ET Prizren (KosovaLive)

Organizata joqeveritare emancipimi civil “Ec më ndryshe”, në publikimin e një raporti rreth monitorimit të punës së sektorit të urbanizmit në Prizren, konsideron shqetësues, siç thuhet, faktin që në një numër të konsiderueshëm ndërtimesh në Qendrën Historike të Prizrenit nuk respektohen projektet origjinale dhe leja e punës, lëshuar nga autoritetet komunale, përderisa në tri vitet e fundit janë dërguar mbi 25 kërkesa nga Instituti për Mbrojtjen e Monumenteve Kulturore në Prizren për ndërprerjen e punimeve apo edhe rrënimin e tyre për mosrespektim të projektit.