Filmi “Silent” nga Turqia mori çmimin e veçantë të jurisë në “DokuFest”

16.07.2012 08:22 ET Prizren (KosovaLive)

Filmi “Silent”, i Rezan Jesilbasit nga Turqia, ka marrë çmimin e veçantë të jurisë në edicion e sivjetmë të Festivalit ndërkombëtar të filmit dokumentar dhe të shkurtër “DokuFest”, i cili përfundoi të dielën në Prizren, ndërkaq “Dita e fundit e Loro Shestanit”, i regjisorit Sokol Keraj, fitoi çmimin e publikut. Juritë e gjashtë garave në edicionin e njëmbëdhjetë të “DokuFest”-it bënë përzgjedhjen e nëntë fituesve në këtë festival, ku janë dhënë çmime speciale edhe për pesë regjisorë të tjerë.